naimat_e_khudawandi hay zindagi​

naimat_e_khudawandi hay zindagi​​

 

 

Gum sum si udaas khari hay kahi​

kabhi shokh_o_chanchal, shrarat hay zindagi​

​

bachon ki muskurahaton se masoomiat liye​

kabhi kahi tanha si khafa hay zindagi​

​

kabhi rim jhim, kabhi jhilmilaati hui dhoop​

kahi pipal k pairon si chaaon hay zindagi​

​

kia kahun main k kiya hay ye zindagi​

dhanak k sab rangon se bhari hay zindagi​

​

khul k jee lo k ik baar hi milti hay​

naimat_e_khudawandi hay zindagi​

Nami si hay!

 Nami si hay!

mairi aankh may har waqt ik nami si hay
ya shayed mairi zindagi may koi kami si hay

wo rahain jin pe chalte rhay hum barson
wo rahain ab tak ajnabi si hain

wo jo dhundh si chaie rehti hay mairi zaat par hamesha
wo is zindagi ki be_rukhi si hay

mairi duaon may ab wo asar nhi hay nazish
ya shayed ye kami_e_bandagi bhi hay

 

"INTEKHAAB!"

 

zindagi may insan ko aisa kab lagta hay k us k saath acha nhi hua...
shayed tab jab us k saath wo sab nhi hota jiski us ne shadeed tamanna ki ho....
hum jis cheez ki tamanna krain to hamain ye q lagta hay hamari tamanna,hamari khawahish,hamari chahat har cheez se behtar hay
is se behtar kuch nhi?
shayed is liye k har koi apne liye behtar ki tamanna aur intakahb hi chahta hay aur ussi ki koshish karta hay...

is k mutabdil k tor par wo behtareen ka intakhab nhi chahta q k wo "behtareen" uski tamanna,uski chahat nhi
par wo us "behtareen" se waqif hi to nhi.us se waqif to sirf ALLAH hay....
Aik maan apne bachey se bohat pyaar karti hay zindagi k har mor par apne bachey k liye "behtareen"muntakhib karna chahti hay
lakin wo mustaqbil se waqif nhi is liye pareshan hoti hay k kahi mustaqbil may kuch aisa na ho jo us k bache k liye "behtareen" nhi
wo ALLAH se dua karti hay apne bachey k liye hamesha ki behtari maangit hay q k ALLAH mustabil se aagah hay.
aur duayain taqdeerain badal diya karti hain..........
ALLAH par yaqeen hay, ALLAH mustaqbil se waqif hay har cheez par qadir hay is baat par bhi yaqeen hay,ALLAH duaon ko sunta
aur qabool farmata hay is par bhi yaqeen hay.
phir jab mustaqbil may kuch aisa ho jo hamari tamanna k mutabiq nhi to wo saara yaqeen kaha gya jo ALLAH par tha wo saari batain wo saarey
falsafey jo kabhi doosro ko samjhaane k liye boley apni baari pe bhool q gaye? ab shikwey kaise shikayat q?
hae cheez par yaqeen tha to is baat par yaqeen q nhi k jo bhi hua wohi "behtareen" hay q k ye ALLAH ne hamare liye muntakhib farmaya...
aur ALLAH to har cheez se "waqif" hay..
hamari khawahish hamari nazar may "behtareen" rhi ho par ho sakta hay k ALLAH ki nazar may to wo hamare liye behtar hi nhi..
aik muhabbat karne waali maan apni aulaad k liye "behtareen" chahti hay .ALLAH to apne bandey se 70 maaon se ziada muhabbat karta hay phir
uska intekhaab behtar q nhi lagta?duaon ki qabooliat par shak q hone lagta hay?
kia ye hamarey emaan ki kamzori hay?
ALLAH k ehsanat,uski muhabbat,bin maangey ki gai nawazishaat,na farmaani k bawajood uski inayat sab bhool jaata hay..
yaad rehta hay to sirf ye k ALLAH ne maire liye" behtareen" nhi kiya..
par nadan insan kiya jaane k "behtareen" kiya hay wo kia jaane k ALLAH ne to jo us k liye mutakhib kiya us se behtar insan k liye kuch behtar ho
hi nhi sakta(nadan jo thehra).

insan ko to apni har tamanna behtar lagti hay q k wo iski apni tamanna hay..
jab ALLAh ne us k liye wohi muntakhib farma diya jo uski tamanna bhi thi to bohat khush hota hay emaan aur bhi mazboot hota hay aur bolta hay mairey ALLAH beshak tu
hi behtar faisla farmaane waala hay
jab ALLAH ne wo muntakhib farmaya jo uski apni tamanna k baraks tha lakin ALLAH ki nazar may behtareen tha to giley shikwey q?
aey ALLAh! ye tu ne kia kiyaaisey maire saath hi q hua?
forun hi "maire ALLAH" se "aey ALLAH"pe aa gaye aur emaan dagmaga gya
to kia ye emaan ki kamzori nhi hay?

insan kitna khud gharz hay ALLAH ka faisla sirf is liye behtar nhi laga q k wo ab uski apni tamanna se mutabqat nhi rakhta,.
insan to mehdood cheezon may se muwazna kar k apne liye "behtar" chunta hay
ALLAH to la mehdood cheezon la mehdood raaston may se us k liye"behtareen"muntakhib farmata hay
to kia behtar hay?
wo jo insan ne apne liye muntakhib kiya,ya wo jo ALLAH ne us k liye mutakhib farmaya?
wo jo mehdood mawazna hay,ya wo jo la mehdood muwazna hay?
to kia jo apni chahton ko,apne liye behtareen k intakhab ko aur khud ko ALLAH k sapurd kar dey wo kabhi khasaarey may reh sakta hay?
to kia us k saath kabhi aisa hoga jo us k liye "behtar" nhi?
yaqeenan nhi
q k ALLAH sab jaanata hay, "acha","behtar"aur"behtareen"...
to kia ye "acha" nhi k apne liye "behtar" k intekhab ko ALlAH pe chor diya jaaey aur "behtareen" hone pe yaqeen rakha jaaey
aur phir jo miley ussi ko "behtareen" samjha jaaey.
zindagi kitni sehal aur shafaf hogi,q k is baar to apne liye manzil aur raaston ka intekhab hum ne ALLAH k sapurd kiya hay.
aur wohi "behtareen" manzil aur wohi"behtareen" raastey hain..........

Titliyan

 

 

yaadon ki rang birangi titliyan bohat door nikal gai...........aise jaise k sab aik doosre se athkailian kar rhi hon..
aik be ikhtyar si muskarahat us k labon pe machal gai........
magar aik bacha in titlyon ko pakarne k lie betaab ho utha..jo us ki dastaras se bohat door ja chuki thi...............
phir aik ajnabi haath ne aik titli ko pakar lia aur bache ko thamate hue usse chamkaarne laga.........

jab bache ne titli chori to wo berang ho chuki thi..magar bacha apne rangeen haath daikh k khushi se khilkhalane laga.............

achanak us ki aankh khul gai..magar us k maathe par soch ki gehri shiknain thi....
k aik dam se khilkhalate hue bache ka tamtamata hua chehra us ki aankho k saamne aa gya.......
aur us k honton par aik narm o dabeez si muskarahat bikhair gya.......
be ihktyari may hi us larki ne apna muwazna us titli se karna chaha.....
to usse khud may aur us titli may koi farq nazar nhi aaya..........
jo apna rang de k bhi doosro ki khushi may khush ho........
 
is k saath hi us larki ki zaat pe chai hui khudtars shaam ki dhund..........aik roshan aur shafaf subha k fakhar may badal gai........................

Baitian

 

apne dil may bahane banate hue aaj se pehle us ki aisi halat kabhi nhi hui thi
wo chittan ki tara mazboot iraadon aur apne zabton pe qaim rehne wali larki aaj kisi k mas'hoor kun alfaaz k sehar may doobi apne hi qaide bhula baithi thi.................
aaj se pehle bhi bohat saare logon ne usse saraha tha magar pehle to usse ye sab batain bohat nagawar guzarti thi..............
magar ab kia tha uski baaton may k wo na sirf us k sarahe jaane ko pasand kar rhi thi balke us k bulane pe us se milne pe bhi razamand thi aur bahane dhoondh rhi thi........................
aaj se pehle to tumhe kisi baat ki ijazat k lie bahane dhoondhne nhi pare ..........kahi aisa to nhi k tum kuch ghalat karne ja rhi ho ?
kisi ne us k andar se sawal kia tha?
magar us ne ye sawal un suna kar dia...............
wo larki jisse apni baat ki mazbooti pe itna maan hota k wo kisi ko apni baat ki safayian daina apni toheen gardaanti ..............aaj wo apne aap ko hi apni baat ki safayina de rhi thi.........
kuch sochte hue wo baba jaani k kamre ki taraf bhari thi k andar se aati hui baba jaani ki aawaz se us k qadam thathak gaye..............
MAIN TO ALLAH SE DIN RAAT YHI DUA KARTA HOON K ALLAH SAB WALEDAIN KO MAIRI BAITION JAISI BAITIAN ATA FARMAYE.............MUJE APNI BAITION PE KHUD SE ZIADA BHAROSA HAY.............
ye sab bolte hue baba jaani ki aawaz may zara bhi larkharahat nhi thi.....
magar us k qadam kio larkharae thay....................usse sab kuch dhundhla dikhai daine laga............
aisa pehli baar to nhi hua tha k baba jaani ne itne fakahr se ye dua maangi ho............pehle jab baba jaani ye dua maangte to us ka sir aajzi se jhuk jata.
us k honton pe pur_ aitmaad aur mubham si muskarahat thehar jaati.........aur uski duaon may mazeed tawalat aa jaati..........
sir to us ka aaj bhi jhuka tha magar aajzi se nhi nidamat se............
hont to us k aaj bhi hile thay magar wo muskaraht nhi larzish thi...........
duaon may tawalat to us k ab bhi aani thi magar is baar usse sirf ye maangna tha k AEY ALLAH muje muaf farma ............
kahi aisa na ho k baba jaani ki sab baition k lie maangi gai dua bad dua ban jae

aur uski zuma daar sirf aur sirf wo ho​

 

Taira dil to tha sanam aashna...

 samandar k kinaarey paani ki unchi neechi lehron ko daikhtey hue wo najaane in lehron k muwazne se zindagi ki konsi haqeeqat ko jaanchna chah rha tha...​

kabhi koi unchi lehar aati aur apne neeche tamama choti lehron ko kha jaati...to kabhi pani may bhanwar se banne lagtey...​

kia hmari zindagi bhi inhi lehron ki manind hay?kabhi kisi unchi lehar ki tara hmari zindagi ka urooj,jab hum apne saamne kisi ko kuch nhi samjtey apne urooj k gharoor may har kisi ko haqeer jaan kar dibochtey hain ..yahan tak k issi urooj ko zawal ki taraf aane may aik jhatka bhi nhi lagta....​

kabhi zindagi na urooj hay na zawal balkey pani may banne waale kisi bhanwar ki manind hay aur is bhanwar may insan khud ko hi talash karta reh jaata hay...​

​

kia sirf yhi zindagi hay?​

kahi urooj se zawal tak ka safar kabhi zawal se urooj tak pohanchne ka intezar to kabhi kisi bhanwar se nikal kar hamwar rastey ko paney ki koshish?​

​

baar ha khud se kiye jaane waala sawal wo aaj phir khud se dohra rha tha aur jawab phir kisi bhanwar ki manind hi tha...​

zindagi khuda ki naimat hay khuda ka hum pe ehsaan hay ..us k zehan may roshni si koondi..​

KHUDA??? NAIMAT???​

​

khuda kahan hay? kia hay? zindagi aik naimat hay to main khush q nhi hoon mujey zindagi ki samajh q nhi aati?​

ye kesi naimat hay? kaisa inaam hay?​

wo hamesha ki tara buri tara khud se ulajh parra...​

Khuda dil may hota hay na??​

us ne apne dil ko tatola mujey maire dil may khuda q nhi dikhta?​

maire dil may khuda kahan hay? uska dimagh ab us k dil ka safar kar rha tha. us k dil may har jaga mandir thay ,sanam thay, kahi khawahishat k kuch zinda aur kuch murda but , kahi ana aur matlab parasti k chotey barrey but...​

kahi khandar ka sa gumaan hota tha...​

Dil ki zameen is tara banjar thi k jaise barson se wahan abrish na hui ho....​

nhi...​

kia maira dil murda hay?is liye khuda nhi maire dil may?​

Ya maire dil se khuda chala gya is liye maira dil murda ho gya?​

maire dil may maine Khuda k liye jaga hi kab chori hay,apne dil ko butt kada bna diya,..​

ab kia hoga aey khuda???​

kia aap muj se naraz hain? aap maire dil may wapis nhi aayain gaye?​

nhi nhi ya ALLAH mujey maaf farma dey..​

uska dimagh pagalon ki tara us k dil ki sunsan galio may ifdhar udhar bhatak rha tha..​

Khuda ko dhundhne ki koshish kar rha tha..​

abhi thak haar k ghutney taikne hi wala tha k wairan khandar may kisi darz se se safaid pur noor roshni ki halki si kiran aati dikhaayi di...​

dimagh lapak k us jaanib bhara...​

to darz k us paar ALLAH ka naam jagmagata hua dikhayi diya...​

us ne ghutney taik diye aur sajdey may gir parra to kia ALLAH abhi bhi muj gunahgaar par mehruban hay ....main haq ko paa liya....meri talash meri soch beja na thi...​

​

Khuda ne muj par aik aur ehsaan kar diya mujey phir se zindagi bakhsh di...​

​

zindagi ki tamama rahain jaise shafaf aur pur noor nazar aane laggi....​

jaise kisi ghebi taqat ne uska haath thaam kar usse zindagi k bhanwar se nikal kar aik roshan_o_shafafa raastey par la khara kiya...sajdey ki halat may us ki aankhon se girne waale beraya aur shafafa aansuon ki rim jhim ne us k dil ki khandar zameen ko phir se zarkheez kar diya jis par ab haq aur noor ki fasal ko lehlahana tha......​

chaand pe behta pani!

****Chaand Pey Behta Pani***​

​

un aankhon may aansuon k do qatrey jaise gehri syaah raat may chaand k behad qareeb timtimaate hue do roshan taarey.....

shafaf rukhsaron pe aansuon ki lakeerain jaise chaand pe behta hua pani.....
siskion ki aawaz jaise bohat sard raat may hawa ka koi bhoola hua garm jhonka.....
wo kab se is chehrey ko tak rhi thi.k jis chehre pe usse poori kainat dikahi daiti thi.....
us ne in jagmagaatey hue taaron ko apni unglion ki poron pe sajana chaha to wo uski poron pe aa k mehaz berang pani k qatrey thay.....
k sitaron ki chamak to gehri syah raat may hi hua karti hay....

us ne chaand pe behtey hue aansuon ki lakeeron ko mitana chah to wo chah kar bhi us chaand ko chu nhi paii...
wo is chehrey ko bohat qareeb se jaanti thi par wo usse pehchan na pa rhi thi......
wo us pur kashish hasti k bohat qareeb thi par wo usse chu na paa rhi thi...
aik dam se usse gabrahat hone lagi aur uski aankh khul gai......
khawab ka sara manzar usk dimagh may ghooma aur second k lakhwain hisse may hi wo us chehre ko pehchan gai....k wo pur kashish chehra to uski maan ka tha...phir wo kio nhi pehchan pai......
be chain si ho kar wo poore ghar may apni maan ko dhoondhne lagi....
to ghar k aik intahai khamosh goshey may usse apni maan nimaz parhti hui dikhai di......
wo mutamain si ho kar palatne lagi k siskion ki aawaz pe us ne mur k daikha....
ye to hu bahu wohi manzar tha....
wohi gehri syah raat jaisi aankhon may timtamaatey hue do taarey....
wohi chaand chehrey pe behtey hue aansuon ki lakeerain....
wohi sard raat may garam hawa k jhonkon jaisi siskian......

wo chah k bhi in timtamaatey hue taaron ko apni unglio ki poron pe na saja pai aur na hi aansuon ki lakeeron ko mita pai......
wo chah k bhi apne qadam aage na barha pai aur na hi apni maan se aise rone ki waja pooch pai.....

bas bohat hi ghair mehsoos andaaz may khamosh aansuon k do nanhe munee qatrey us k rukhsaaron par bhi beh nikley................